守護校園25年 中大工程督察獲嘉獎

中大校園發展處二級工程督察陳宗德（右）同徐偉華（左）多年來默默監督校園各工程，佢哋近日獲頒長期服務獎。（蘇智鑫攝）

【明報專訊】大學校園係學生學習同生活嘅地方，現代化校園各種先進設施嘅背後，有一班無名英雄默默付出。中文大學校園發展處二級工程督察陳宗德同徐偉華，25年以來日曬雨淋，犧牲假期，日夜顛倒輪班工作，負責監督校園各項工程。中大日前頒授長期服務獎畀佢哋，表揚佢哋長年嘅付出。

兩人都係1991年加入中大，負責監督校園嘅工程項目，包括監督屋宇裝備設施嘅建設，如電力、照明裝置、升降機、給水同排水設施等，佢哋要監察施工進程，做系統測試同驗收，以確保工程質素。

陳宗德憶述，2003年嘅一個晚上，10座剛翻新完嘅高級職員宿舍同時停水，佢於是通宵工作，查出翻新過程中供水系統漏駁咗氣喉，連夜搵材料同師傅開工。佢話「唔係着數問題，係責任問題，出咗問題唔可以逃避」，一定要留守到最後，直至問題解決為止。

大學放假期間就係工程最繁忙嘅時間，徐偉華話早已習慣聖誕節、復活節以至暑假都要返工嘅生活，陳宗德都話同仔女去旅行嘅機會好少，「係一個遺憾，但為咗工作都冇辦法」。

更多港聞

月入2萬家 升中花一半 買校服書簿樂器 「為子女沒辦法」

【明報專訊】昨天為中一註冊首日，有家長與子女到獲派中學註冊後，隨即到書局購買教科書。今年的教科書售價較去年漲3至4%，有家庭月入2萬多元的家... 詳情

基層學童長者玩魔術互學習

【明報專訊】與認知障礙症長者相處需耐心，有基層學童不但花時間與他們相處，更願學魔術和園藝治療，再教沒能力負擔訓練費用的長者。將升中一的鄭海燕... 詳情

時事通識教材

【明報專訊】（請看附圖） 詳情