議員見美國會訪港團 關注聯航逐客事件
[2017.04.14] 發表
【明報專訊】美國聯合航空亞裔乘客畀警察強行拖落機事件引起全球關注，繼莫乃光網上播片怒剪聯航會員卡抗議，立法會主席同立法會議會聯絡小組委員會噚日接待到訪嘅美國參眾兩院議員，有議員亦乘機向美國議員表達關注。
立法會主席梁君彥同埋9個議員，噚日接待到訪嘅美國議會訪港團，會後民建聯蔣麗芸話，佢喺會上向對方提出關注美國聯合航空事件，表達咗港人對事件嘅憂慮，特別係買咗聯航機票嘅市民，擔心聯航超賣上唔到機。佢引述對方話，返到美國後會跟進一下。蔣麗芸又話，對方表達關注香港情况，包括民主同社會經濟發展。
另外，民建聯議員葛珮帆已經去信聯合航空總裁及美國駐港領事，要求徹查事件，話有市民認為事件涉及種族歧視，又話今次事件涉及暴力，喺任何地方都唔能夠接受。
更多港聞
【明報專訊】唔少香港人都鍾意去旅行，根據舊年公共圖書館嘅借書紀錄，最多人借閱嘅10本成人中文非小說類書籍裏面，第一名係《香港中學文憑試．中國...
詳情
相關新聞
