中大研電池新技術 容量增兩成壽命長
[2017.04.13] 發表
【明報專訊】中大機械與自動化工程學系研發咗一款新能量儲存技術，大大提升液流電池嘅容量，有望運用於電動車電池上。負責研究嘅中大機械與自動化工程學系助理教授盧怡君話，新電池添加咗溴離子，令電池容量增加咗兩成。另外，新電池仲有幾大特點，包括唔怕普通嘅碰撞、安全、環保、系統設計靈活，壽命仲可長達數十年。
盧怡君話，如果電動車應用呢種電池技術，預料電動車嘅價格可大幅降低，行駛里程亦更長。佢仲透露，已經有電池公司向中大表示有興趣一齊研究將新技術產業化，新技術將來有望應用喺更高效、更便宜同更大規模嘅能源儲存上。團隊未來會研發低成本而且性能良好嘅電極材料及膜材料，配合呢次新技術，以繼續改善能量儲能系統。
更多港聞
【明報專訊】元朗商會中學是教育局數學組本學年「種子學校」之一，校方以數學為主導推動STEM（科學、科技、工程、數學），例如以智能手機解鎖，解...
詳情
相關新聞
