指助七警善舉被扭曲 777萬捐款 影業協會暫保管

指助七警善舉被扭曲 777萬捐款影業協會暫保管

[2017.03.14] 發表

【明報專訊】支援佔中執勤受影響警員同家屬嘅「敬言仁基金」，早前收取影視娛樂界捐款惹爭議，基金其後懇辭部分演藝界的捐款；香港影業協會及香港電影商協會聲言，籌款行動「被外間一些別有用心的人士炒作，導致一件單純動機的善舉被扭曲抹黑，令人汗顏」，決定將已經收集嘅700多萬捐款暫時由香港影業協會保管。

讚3捐款公司業界翹楚

對於敬言仁基金懇辭3間公司的捐款，兩協會噚日喺多份報章刊登聲明，為有關公司感到不值及作出致歉，對事件表示遺憾。聲明指3間公司為業界翹楚、中流砥柱，為影業界造就唔少就業機會，貢獻良多，有目共睹，一直受電影娛樂界尊重與推崇，但為免再被利用炒作，影響社會和諧，決定將已收集嘅700多萬捐款及業界陸續有來嘅捐款，暫時由香港影業協會保管，並會尋求合理合法嘅途徑支持香港警隊，形容做法係情非得已。

理事長：唔開心做好事被批

據悉，早前被懇辭嘅3筆捐款包括中國星娛樂集團創辦人向華強、太陽城集團主席周焯華及英皇集團主席楊受成共捐嘅250萬元。香港影業協會理事長洪祖星形容「好唔開心，做好事要被人批評」，又指日後嘅捐款會由其協會先保管，再轉交基金，而佢本人至今未收到被3間懇辭捐款公司嘅任何不滿信息。

更多港聞