探港區人代班 人大副委員長提「準時開會」

人大副委員長王晨（主席位）昨趁港區人代召開預備會議時探訪港區代表，提醒大家「準時開會」。（渠贇攝）

【明報專訊】特首選舉如火如荼，喺北京開緊兩會會議嘅委員自然都好關心呢個議題。噚日港區人大開預備會議，一如往年有國家領導人前來探訪交流，今次就係全國人大副委員長王晨、基本法委員會主任李飛同中聯辦主任張曉明。

香港嘅傳媒代表喺會後梗係追問會面時有無提及特首選舉，譚惠珠就斬釘截鐵話無，強調係嚟開兩會，唔係講選舉嘅場合。但佢話王晨今年特別提出要「着重會風、會紀」，意思即係準時開會、按日程討論，唔可以隨便告假，要全神貫注審議報告和法律。咁港區人代表現如何？珠姐就話﹕「無畀人投訴過囉。」

王晨又提到，希望人大代表唔好只作普通評論，而係要「言中有物」，指出問題所在。睇嚟人大代表要求都愈來愈高。另外，港區人大噚日開會選團長、副團長，人選維持不變，由譚惠珠任團長、馬逢國同盧瑞安擔任副團長。

更多港聞

薯片1萬襟章派街坊 派「大字」落區

【明報專訊】特首候選人曾俊華自參選以嚟大打民意戰，佢噚日就喺競選辦所在嘅合和中心地下，介紹佢用嚟宣傳參選理念嘅3組大字模型，分別係「希望」、... 詳情