【明報專訊】李家鼎與金剛昨日出席屯門V city賀年活動，鼎爺即場教人炮製福袋，祝願大家袋袋平安。提到早前李錦聯考慮和鼎爺開間鹵味店並取名為「鼎李滷味」，鼎爺聞言即發火否認說：「黐線！是他抽我水，當日拍攝話大家影張相，我無所謂，點知他爆這件事出來，老實講我真的不喜歡，這是假的﹗(不喜歡是什麼？)首先不知什麼事，突然間就寫出來，大家加埋百幾歲，我話你就唔好意思。(出發點是講笑或真的想合作？)搞笑無問題，但我唔知就咁爆出來，換轉你又會唔會舒服，知道就唔影相，若大家有所共識就無問題，現在大家話過唔過癮？(與李錦聯已完成廣告拍攝？)已經拍攝，就是那日話大家影張相，大家舉起拇指，點知他整單『鼎李滷味』，我真的要鼎佢滷味﹗(之後有否聯絡？)都是三日前的事，既然都出了新聞，他都有話唔好意思抽我水，都過去啦，唔做都做了，又不是好大殺傷力！」

鼎爺稱搞生意壓力大

至於是否有意搞生意，鼎爺說：「何來巨款搞生意，公司那份工不用做？(節目出街後無人邀請搞生意？)好多，但從來無答應過，因要搞清很多事，做事要按部就班！(無興趣自己搞生意？)我對自己搞生意的興趣，20巴仙都無，壓力好大，打和就辛苦。(有人出資又如何？)想想，先要傾傾。」追問在訪問中表明不介意與兒子李泳豪舊愛楊思琦合作？鼎爺大方表示：「那篇訪問如果公司安排思琦和我合作有無問題，我話無問題，是公司的安排，是誰都可以，以前就以前，過去就過去，大家都是工作，公司有咁安排都無辦法，我唔做又好似拒人千里，打爛人飯碗，我不喜歡這樣！」

記者：梁榮達