【明報專訊】迪士尼樂園「鐵甲奇俠飛行之旅」上月11日已經正式啟用，呢個機動遊戲係全球迪士尼樂園首個以漫威(Marvel)做主題嘅遊樂設施，亦係迪士尼樂園入面首個用香港做背景嘅機動遊戲。遊戲故事係話Ironman嚟咗香港設立「史達工業」嘅亞洲總部，又遇到啲挑戰；遊客就要戴3D眼鏡，坐喺每次最多可以載45人嘅「飛行車」模擬倉裏面，同Ironman一齊作戰。 負責呢個項目嘅經理 (工程服務)江鏡泉話畀Emily知，呢啲機動遊戲原來用咗全電能驅動器動感模擬系統，係全球迪士尼樂園首個遊戲配置，成功製造前後、左右、高低、俯仰、偏搖同滾動嘅震動，咁先可以完全配合成個飛行之旅嘅細節，比起以往用開嘅油壓式驅動器節省接近65% 電力。 香港迪士尼樂園一共有5個「鐵甲奇俠飛行之旅」模擬倉，每個都由6支全電能驅動器支撐，見到佢哋搖動嘅幅度都好大，唔怪之得會咁刺激！
|
| |
| |
;){kind=small}
