【明報專訊】身兼廠商會副會長嘅立法會議員吳永嘉(Jimmy)出身港大法律系，現時係執業律師，原來佢同演藝事業曾經擦身而過。Jimmy噚日同傳媒團拜，現年47歲嘅佢透露，1980年代讀緊大學一年級時參加校內歌唱比賽，有大型唱片公司寶麗金嘅人員做評判，佢後來獲對方邀請試音，但由於家人反對佢入行，最終無咗下文。一班記者噚日都想Jimmy即席開金口，佢笑言𠵱家把聲麻麻哋，不便獻唱。 特首選戰升溫，身為選委嘅Jimmy未有透露提名人選，但就話打算去林鄭月娥聽日邀請支持者出席嘅「分享會」，不過因為立法會有會開，應該去唔到，佢強調如果其他特首參選人甚至社民連梁國雄搞選舉分享會，自己都會去。 有指西環近日為個別參選人催票，Jimmy就話「無收到call」。咁Jimmy新年願望係咩呢？相信呢個願望同好多建制派一樣，就係立法會少啲拉布喇。
|
| |
| |
;){kind=small}
