梁頌昕6年前摩通實習 特首辦：不涉金錢 無關CY公職

根據梁頌昕LinkedIn嘅資料（圖），佢曾經於2010年7月至8月喺香港為JP Morgan做「暑期實習生（Summer Intern）」，後來亦到過多間知名機構實習。

梁頌昕

【明報專訊】曾經捲入「行李門」嘅特首梁振英(CY)三女梁頌昕(圓圖)，噚日成為另一風波嘅主角。事緣傘後組織「前線科技人員」噚日喺facebook發帖，話美國證券交易委員會近日發表文件，披露投資銀行JP Morgan嘅亞太分支，於2009年同2010年設立受薪暑期實習計劃，吸納由客戶推薦嘅求職者(Referral Hires)，並額外於2010年喺香港設立無薪訓練計劃(「夏令營」)，畀呢類求職者參加。

不過，文件提到JP Morgan挑選呢類求職者入「夏令營」時，係以客戶關係而非參加者能力作準則，並引述職員話，JP Morgan考慮呢類求職者時，只會考慮能為公司帶嚟多於300萬美元新收入嘅客戶。根據梁頌昕喺社交網站LinkedIn資料，佢曾經喺2010年7月至8月，於香港為JP Morgan做「暑期實習生」(Summer Intern)。

呢個帖文引起網民質疑，梁頌昕入JP Morgan實習，當時身兼行會召集人、全國政協同戴德梁行亞太區主席嘅CY，係咪有份推薦梁頌昕，係嘅話，有無為JP Morgan帶嚟新收入，當中又涉唔涉及利益輸送呢？

被疑有否利益輸送 摩通拒評

特首辦回覆本報時強調，梁頌昕6年前喺JP Morgan實習，事件不涉金錢，亦同CY嘅公職無關，但就無透露梁頌昕係以受薪實習、「夏令營」定其他形式進入公司，或CY有無參與推薦。JP Morgan就話唔評論個別個案。

更多港聞

出山戰補選？ 嫻姐：諗都未諗過

【明報專訊】工聯會榮譽會長陳婉嫻（圖）立法會交棒後，喺政壇靜咗一段時間，不過因為最近宣誓風波引發出補選熱議，有人傳出想搵重量級人馬嫻姐出山，... 詳情

幫港出聲月底訪京見張德江

【明報專訊】由前傳媒人周融，學者鄭赤琰、雷鼎鳴等人喺2013年成立嘅「幫港出聲」，喺佔領期間多次發表意見，又舉辦集會、簽名等，以示市民反對佔... 詳情

KOL推廣名牌篋 最高可獲6000元

【明報專訊】網絡紅人（如KOL，Key Opinion Leader）介紹商品或優惠有「廣告費」，但收入一直都係海鮮價，不過Emily最近就... 詳情

民建聯議員再收「香港國」信 提「支那」

【明報專訊】繼早前民建聯葛珮帆（EQ）收到寫有「香港國」嘅信件後，類似神秘信件再現立法會。今次輪到黨友陳恒鑌同柯創盛收到，信件由日本寄出，內... 詳情

SPACE獲校舍轉借明德 教局放行被批未依程序

【明報專訊】審計署不點名指香港大學專業進修學院（HKU SPACE），於數年前將教育局批予該校的校舍轉借予明德學院，並獲教育局批准，審計署質... 詳情