設橫洲委會被否決 朱凱廸言論惹內訌猜疑

[2016.11.09] 發表
噚日立法會否決咗設立委員會跟進橫洲事件,支持議案嘅朱凱廸晚上喺fb質疑建制派反對設委員會,亦將矛頭指向非建制派出席不足。(八鄉朱凱廸facebook圖片)

【明報專訊】立法會發展事務委員會噚日以3票之差否決成立委員會跟進橫洲事件,另7名建制派議員就棄權。對於出席會議嘅大部分都係建制派議員,朱凱廸噚晚喺fb將矛頭指向建制派之餘,仲話因為非建制派議員出席不足,先會搞到成立唔到委員會,引嚟網民質疑非建制派內訌。

批非建制出席不足 林卓廷指缺溝通

無出席會議嘅民主黨林卓廷噚晚就隔空喺fb回應阿廸,話自己噚日朝早要去高院出席聆訊,先無參與投票。阿廷同Emily講,佢覺得朱凱廸事前無做足溝通,希望朱嘅矛頭唔好指向同路人,以免令市民產生不必要誤解。有網民留言話唔想見到非建制派內訌,仲話應該要團結對抗建制派。

由姚松炎提出嘅議案,喺建制派反對下,最終以14票贊成、17票反對、7票棄權遭否決。朱凱廸喺fb話,橫洲委員會本應有機會成立,無奈喺非建制派出席不足、建制派集體反對及棄權下遭否決,覺得遺憾。但阿廷就話,即使非建制議員多咗人出席,原本投棄權票嘅建制派見勢色唔對,自然會投反對票,結果一樣會被否決。

更多港聞
【明報專訊】零售市道麻麻,2017年維園年宵攤位競投都無舊時咁激烈,暫時乾貨攤位競投價低過舊年,連支聯會年年志在必得嘅1、2號檔都降價一成多... 詳情
尖東聖誕燈飾 續用LED燈
【明報專訊】又到聖誕,尖東噚晚舉行第34屆「閃爍尖東耀香江」亮燈儀式,共有約10幢大廈參與,大會為咗響應環保,尖沙嘴中心、富豪九龍酒店及帝國... 詳情
桶改會倡加回收桶減垃圾桶
【明報專訊】食環署早排推出「細口仔」垃圾桶,希望改變市民扔垃圾習慣,但推出之後亂拋垃圾情况仍然普遍。俗稱「桶改會」嘅「公共空間回收及垃圾收集... 詳情
【明報專訊】香港精神科醫學院昨發表對學生自殺的立場聲明,學院副院長(教育事務)陳國齡表示,基本認同及歡迎防止學生自殺委員會前日發布的最終報告... 詳情
【明報專訊】香港凱莉山(Mount Kelly International)校舍未動工就招生,並宣稱明年9月開學,教育局發警告信兼連日公開質... 詳情

明報網站 · 版權所有 · 不得轉載
Copyright © 2016 mingpaocanada.com All rights reserved.
Ming Pao Daily News A wholly owned subsidiary of Ming Pao Enterprise Corporation Ltd.
Vancouver Chinese Newspaper

5368 Parkwood Place, Richmond B.C. V6V 2N1 | Tel.: (604) 231-8998 | Fax: (604) 231-9881/9884 | Advertising Hotline Tel.: (604) 231-8992