家住赤柱 麥卓穎9歲起步 13歲女將揚帆登世界之巔

年紀輕輕嘅麥卓穎（圖）衝線後豎起拇指，更喺帆板上躍起，稱霸世界後依然不失童真。（教練鄭國輝提供）

13歲嘅麥卓穎（圖）勇奪Techno世界賽U15組別冠軍，成為港隊喺呢個組別嘅第一個世界冠軍級人馬。（教練鄭國輝提供）

【明報專訊】香港再有世界冠軍誕生，今次係年僅13歲嘅風帆女將麥卓穎。佢前晚喺意大利出戰Techno世界賽，憑9場共得42分嘅佳績，力壓法國同以色列選手，由第3位升上首席，奪得U15女子組冠軍，仲係香港喺呢個組別嘅唯一世界冠軍𠻹。

能否成為「風之后」李麗珊接班人，對卓穎嚟講可能言之尚早，但佢家住赤柱，同細個喺長洲大嘅珊珊一樣佔盡先機，難怪9歲開始學風帆，短短4年就贏得世界冠軍。

特首恭賀「風之隊」

佢賽後喺大海中嘅帆板興奮到跳起，仲話：「今年7月，我錯過咗歐洲賽錦標，今次終於喺鄭慶麟同鄭國輝兩位教練幫助下，奪得世界冠軍。」本身係亞運金牌猛將嘅鄭國輝，大讚徒弟充滿天分，仲有大把進步空間。

大軍今日3點40分凱旋，星期六就會返屋企赤柱出戰香港巡迴賽。特首梁振英亦喺社交網站出帖，讚揚呢個「風之隊」新星頂住壓力，憑凌厲後勁成為世界冠軍。

更多港聞

劉小麗被掟鞋 保港運動：施襲者非成員

【明報專訊】港台節目《城市論壇》噚日喺維園舉行期間發生小插曲，話說喺節目廣告時段，論壇嘉賓、立法會議員劉小麗突然被台下一個頭戴「保衛香港運動... 詳情

《基本法》長伴魯平骨灰龕

【明報專訊】全國港澳研究會會長陳佐洱喺《紫荊雜誌》撰文，緬懷國務院港澳辦前主任魯平（小圖）生前負責制定《基本法》時嘅點滴。陳佐洱話，魯平「生... 詳情

「蕩婦遊行」促查康橋事件

【明報專訊】近百人噚日參與「香港蕩婦遊行（SlutWalk）」，要求捍衛女性權益，以及保障殘疾院舍人士免受性侵嘅基本權益。有參與女士憶述，曾... 詳情

讀障助學障 重拾校園樂

【明報專訊】對好多人嚟講，校園生活係快樂回憶，但對於有學習障礙嘅同學仔並非必然。Emily噚日出席展能學童獎學金頒獎禮，呢個獎係表揚學障同學... 詳情

港大新課程育私銀人才 學資產管理 收生高如醫科

【明報專訊】香港大學明年9月開設亞洲首個私人銀行及財富管理本科課程，定位為「精英課程」，首屆僅取錄20人，預計最低取錄分數為文憑試6科32分... 詳情