今屆選舉僅跌十幾磅 腰圍52吋 張華峯唔敢做體檢
[2016.10.25] 發表
【明報專訊】經民聯張華峯(肥老闆)作為立法會「最有分量」嘅議員，體重264磅、腰圍52吋。不過佢就話，最高峰時期高達280磅，但每次經歷立法會選舉，都有「瘦身」效果，例如2012年就大跌30幾磅，只不過選舉後又立即反彈。佢透露，今屆選舉只係跌咗十幾磅，唔知係咪因為今屆競爭壓力無咁大呢？
曾經10年食消夜
選委會選舉下月進入提名期，肥老闆今屆繼續幫手籌組金融服務界名單，力爭18席，料短時間內磅數仍可維持。
回想「那些年」，肥老闆話自己有瘦過，只不過剛剛出嚟社會做嘢嗰陣，自己每晚都要去到凌晨3、4點先收工，「堅持」食咗10年消夜，咁具分量嘅身形由此而來。
驚醫生命令戒口
肥老闆坦言唔敢做身體檢查，因為實爆標，醫生又會叫自己戒口，例如唔食得大閘蟹。
不過11月係蟹季，每年肥老闆都會宴請各方，佢又點忍到口呢？特首跑馬仔將至，肥老闆就笑言，今年係咪應該提早安排有意參選嘅特首候選人食蟹先？
更多港聞
回憶掌教統局 自覺有改革責任 李國章曾被轟「要校長做乞兒」
【明報專訊】港大校委會主席李國章最近接受曾鈺成訪問時，大談當年出任教育統籌局長嘅過程，佢話當年自覺有改革香港教育發展嘅責任，所以「無法子唔接... 詳情
小學飯後不教書 砌模型學科學 紙杯機械人 小二生最愛
【明報專訊】五邑鄒振猷學校本學年全面落實午飯後不上學術課，改上STEM（科學、科技、工程、數學）、 跨課程主題學習活動（為Humanitie... 詳情
【明報專訊】中文大學校董會今日開會，據了解處理校董會改組的專責小組將會口頭報告改組方案，及在諮詢中收集的持份者意見，要待明年1月的校董會才正...
詳情
相關新聞
