【明報專訊】經民聯張華峯(肥老闆)作為立法會「最有分量」嘅議員，體重264磅、腰圍52吋。不過佢就話，最高峰時期高達280磅，但每次經歷立法會選舉，都有「瘦身」效果，例如2012年就大跌30幾磅，只不過選舉後又立即反彈。佢透露，今屆選舉只係跌咗十幾磅，唔知係咪因為今屆競爭壓力無咁大呢？ 曾經10年食消夜 選委會選舉下月進入提名期，肥老闆今屆繼續幫手籌組金融服務界名單，力爭18席，料短時間內磅數仍可維持。 回想「那些年」，肥老闆話自己有瘦過，只不過剛剛出嚟社會做嘢嗰陣，自己每晚都要去到凌晨3、4點先收工，「堅持」食咗10年消夜，咁具分量嘅身形由此而來。 驚醫生命令戒口 肥老闆坦言唔敢做身體檢查，因為實爆標，醫生又會叫自己戒口，例如唔食得大閘蟹。 不過11月係蟹季，每年肥老闆都會宴請各方，佢又點忍到口呢？特首跑馬仔將至，肥老闆就笑言，今年係咪應該提早安排有意參選嘅特首候選人食蟹先？
|
| |
| |
;){kind=small}
