趁建制議員離席出動 鄭松泰倒轉國旗區旗 劉國勳函警促調查

熱血公民鄭松泰（右）趁建制派集體離場欲製造流會期間，逐一將放喺建制派枱頭嘅國旗同區旗倒插，話要代表港人，對建制派「低劣嘅愛國行為」表達不滿。鄭搞完一輪後，主席梁君彥就要求佢返回座位，否則要求保安趕佢離場。

【明報專訊】建制派噚日製造流會，非建制派陣營都有唔同反應，例如長毛梁國雄同朱凱廸等人就喺會場外追住建制唔放。不過熱血公民鄭松泰(泰博)就趁點人數期間，將建制派議員擺喺枱頭嘅小型國旗同區旗逐一掉轉倒插。

Ann姐「撥亂反正」 泰博轉頭又整過

離開咗會議廳嘅民建聯蔣麗芸(Ann姐)，話喺電視直播見到泰博咁做，即刻扯火返入會議廳，逐一將國旗區旗「撥亂反正」，仲念念有詞鬧鄭松泰係唔係香港人，話泰博行為係偷竊。

點知Ann姐搞番好，泰博轉頭又去整過，結果Ann姐又返去同泰博嘈。事件終於驚動到立法會主席梁君彥，要求泰博即刻返回座位，最後梁君彥更以行為不檢為由，要求保安將泰博趕離場，但泰博就喺會議廳擾攘咗一輪，未走已經宣告夠鐘流會。

其實呢啲表達「愛國愛港」嘅道具，係由民建聯劉國勳準備，佢話希望畀大家認識「香港是中國一部分」。佢又強烈譴責泰博倒轉旗幟嘅做法，係違反《國旗法》同《區旗法》。到傍晚時分劉國勳更去信警務處，要求警方立即對泰博嘅行為作調查並檢控。

更多港聞

感冒菌上眼 姚松炎戴超

【明報專訊】立法會噚日一片混亂，議事廳外有好多個火頭，攝影記者嘅閃光燈閃唔停，唔通因為咁，建築、測量、都市規劃及園境界議員姚松炎（前）要戴黑... 詳情

深水埗玉石店B玉當A玉賣 違商品例罰6000元

【明報專訊】香港做生意宣傳手法向來層出不窮，但有啲宣傳就唔老實，而且犯法。《商品說明條例》生效咗3年幾，噚日有珠寶玉器店老闆因買賣時向消費者... 詳情

「客機起火」救援演習 逾千人參與

【明報專訊】香港國際機場噚日清晨好熱鬧，停機坪滿佈救援車輛及人員，因為機場管理局及100多個機構搞咗場大型飛機事故及救援演習，模擬一架載有1... 詳情

神託會推出 「天使在線」網上支援精神受困青少年

【明報專訊】年輕人唔開心，鍾意喺社交媒體上抒發，香港神託會今個月開始至2018年8月，推行「Teens Online天使在線計劃」，由專業輔... 詳情

港大選校委研究生 微信派紅包惹質疑

【明報專訊】香港大學正進行校委會研究生代表選舉，其中一名候選人巫堃泰指另一候選人朱科於一個至少有兩名選民的微信群組中派發紅包（電子錢幣），涉... 詳情