葉國謙劉慧卿或做老師 立會雞精班 教新丁議員

【明報專訊】新一屆立法會10月12日開鑼，70名議員中有26名新丁，為免呢班新人投票撳錯掣、質詢唔識問問題，立法會秘書處好體貼，專登喺9月28日至30日，搞咗一個兩日半嘅「雞精班」，教授議事規則及議員嘅工作，除咗秘書處及官員授課，聞說退出議會嘅民建聯葉國謙及民主黨劉慧卿都願意同班新丁分享經驗。

立法會新丁已經收到秘書處發出嘅邀請，佢哋應該都會有興趣先補吓課。據新丁取得嘅課程簡介，課程內容都幾充實，例如會講解《基本法》、《立法會條例》，等佢哋知道議員權責，當然唔少得學習議事規則、各委員會運作，亦會教大家申報開支，仲有參觀一下大樓，等佢哋知道有乜設施及支援服務。

今屆新丁多，如果大家早啲掌握立法會運作，可以減少開會出醜風險。聽講秘書處安排咗秘書長、法律顧問等做老師，政府亦會派出行政署、財經事務及庫務局，以及律政司等代表同新丁交流。

吳靄儀「私補」 授議事規程知識

除咗秘書處，公民黨前議員吳靄儀都好有心，日前私下搞咗兩個工作坊畀各黨派新丁議員，傳授議事規程知識。

政府方面，有新丁話政務司長林鄭月娥會聯同局長，下周三辦工作坊畀新丁，乘機同大家傾偈溝通。民主黨林卓廷話到時會同林鄭反映圍標問題。不過熱血公民鄭松泰就講明唔會去林鄭搞嘅工作坊。

更多港聞

「除非8號波」 大坑火龍續舞

【明報專訊】有過百年歷史嘅港島大坑舞火龍（圖），噚晚中秋迎月夜起一連三晚舉行，插滿香燭嘅火龍穿梭大街小巷，吸引數以百計市民圍觀。強颱風莫蘭蒂... 詳情

二少做立會主席？ 田北俊：搵我細佬嚟搞

【明報專訊】新一屆立法會下個月開鑼，第一件事係選出立法會主席，目前經民聯梁君彥仍然係主席熱門人選，但獨立嘅謝偉俊話會認真考慮參選，新民黨田北... 詳情

唔播《城市論壇》 無綫舊節目頂空檔

【明報專訊】港台議政節目《城市論壇》不再於無綫翡翠台播放，大家都想知該時段無綫會安排乜嘢新節目。Emily喺無綫網上節目表睇到，周日起原有時... 詳情

中秋送暖 陳葒校長明哥拍住上

【明報專訊】提供免費補習服務嘅陳葒校長、供應免費飯盒嘅「深水埗明哥」陳灼明，噚日走埋一齊，原來係馬會慈善及社區事務執行總監張亮「撮合」兩人，... 詳情

阿廷接棒 卿姐大把工作交託

【明報專訊】民主黨候任議員林卓廷成功喺新界東接棒，令黨主席劉慧卿鬆一口氣，噚日卿姐同阿廷一齊見記者，交代工作交接安排。民主黨年底會選出新主席... 詳情