周六投入服務 新機場巴士 手機可叉電

新一批龍運巴士星期六就會投入服務，會先行走北區至機場路線。（龍運巴士提供）

新款龍運機場巴士設有保溫箱（上圖），亦有USB充電位（下圖）。（劉國勳facebook圖片）

【明報專訊】龍運巴士新一批機場巴士星期六(11日)就會投入服務，首批會行走北區嘅A43及A43P線，稍後會擴大到其他區。九巴facebook噚日就上載短片介紹新車，仲安排咗區議員試坐。呢批新車特別之處，除咗車上面有USB充電插頭，仲好貼心咁準備咗巨型保溫箱，據試坐過嘅區議員劉國勳話，呢個設備方便旅客放外地帶返香港嘅三文魚等冷藏食品。劉國勳話噚日試車時，巴士公司利用保溫箱冷藏飲品招呼佢哋，效果都OK，但到正式投入運作時效用有幾大就仲要觀察吓。

保溫箱存放冷藏手信

劉國勳都讚呢批龍運豪華巴士ADL Enviro500 MMC Facelift Coach車廂較寬敞，行車穩定，仲試過用車上Wi-Fi服務，但佢話龍運採用指定網絡商，CSL或1010用戶免費任用，其他人就免費半粒鐘。至於USB充電插頭只設喺車身兩邊，唔係坐靠窗嘅乘客要幫手機充電，電線可能要跨過身邊嘅乘客。

龍運巴士又介紹，巴士大玻璃採用低透光玻璃，怕曬嘅女士都無咁易曬黑，而車廂椅背有雜誌袋，設計類似飛機座位。

更多港聞

署任特首儲經驗？ 財爺：又唔係第一次

【明報專訊】特首梁振英和政務司長林鄭月娥𠵱家分別喺法國同美國外訪，所以財政司長曾俊華呢排就署理行政長官。噚日財爺以署理特首身分出席行政會議... 詳情

林鄭訪美談一國兩制﹕自由受保障

【明報專訊】特首梁振英（CY）及政務司長林鄭月娥同一時間外訪，CY噚日喺法國圖盧茲，林鄭就現身美國華盛頓。CY去圖盧茲主要係考察航天航空產業... 詳情

律師會換屆 副會長蘇紹聰坐正

【明報專訊】香港律師會噚日選出新一屆正副會長，律師會副會長蘇紹聰（圖）將會接替熊運信擔任會長；現任副會長彭韻僖就連任，理事黎雅明就「升呢」當... 詳情

入圖書館委員會 鄺俊宇用家變委員

【明報專訊】政府噚日公布新一屆公共圖書館諮詢委員會嘅成員，當中有7個新成員，包括民主黨元朗區區議員、本身係愛情小說作家嘅鄺俊宇。Emily噚... 詳情

陳智思丁母憂 送芭堤雅安葬

【明報專訊】行政會議成員陳智思丁母憂。陳家喺報章刊出訃文，陳門沈時芬夫人5月25日晚上喺港安醫院辭世，享年84歲。陳家6月4日喺跑馬地聖瑪加... 詳情