18歲證患罕有病 陳智思：人生目標活到50
[2016.05.21] 發表
【明報專訊】行政會議成員陳智思，多年來都被視為特首黑馬人選，雖然外表好健康，但其實佢18歲證實患上血管收縮病症高安氏動脈炎，做過多次手術，初期仲要不斷入醫院，佢上咗商台節目《雲常開》，話人生目標只係「活到50歲」，而今年佢已經51歲，即係已經達標。
陳智思喺節目分享自己同病魔搏鬥嘅經歷，佢話18歲讀大學得知患上呢個至今仍無得治療嘅罕有血管病，頭十年差唔多每半年就要入院，幾年間做過3次搭橋手術。佢話頭十幾廿年有好多唔明朗因素，甚至有過自殺念頭，只希望過到6個月又6個月，因為知道自己「冇能力、冇資格諗到咁遠」。
陳智思話，得知患病初期一直喺逃避階段，後來就變成埋怨，覺得世界欠咗佢，好彩最終都接受現實，「呢個係我生命，我要deal with(處理)佢」，有宗教信仰嘅佢話當時自己諗通，「主覺得我生命係短嘅，fine，我最少都要享受生活，行我條生命」。
更多港聞
相關新聞
