37歲佳佳白內障 唔建議做手術
[2016.05.20] 發表
【明報專訊】海洋公園辦熊貓藝術品展覽
為咗宣揚保育大熊貓，海洋公園今日至5月29日同四川省林業廳合辦「四川周」，其間嘅《熊貓亦藝術》會展出20幾件由中國、西班牙同法國5名藝術家以大熊貓為主題嘅作品。園內嘅大熊貓近况又點？海洋公園陸生動物部高級館長祝效忠噚日透露，熊貓佳佳有白內障，出現過可致永久失明嘅晶狀體移位，經治療後晶狀體回復返原來位置，但再移位嘅機率幾高。
37歲嘅佳佳相等於人類111歲，年紀咁大，做眼部手術又得唔得？祝效忠就唔建議喇，因為佳佳本身有高血壓，麻醉亦有風險，現時主要幫佢滴眼藥水。至於盈盈同樂樂，上月嘅交配期結束咗，但就失望而回。海洋公園之後再幫盈盈做咗兩次人工授精，如成功受孕，最快要今年7月底先會有懷孕迹象。
更多港聞
踩單車感受到「反恐規格」 郭榮鏗灣仔被警三度喝停
【明報專訊】全國人大委員會長張德江訪港，唔少地方道路都實行「反恐規格」嘅保安同封路，公民黨法律界議員郭榮鏗前晚親身感受最真實嘅「反恐規格」，... 詳情
教院通過正名大學 下周五生效 學生會促踐諾改校董會組成
【明報專訊】香港教育學院正名修訂草案昨獲立法會三讀通過，政府將於下周五刊憲，由當日起教院正式更名為「香港教育大學」。學生會昨發聲明，要求校方... 詳情
相關新聞
