鄭伊健孖蒙嘉慧睇戲毋須喬裝

[2016.05.19] 發表

【明報專訊】昨晚MCL海怡戲院隆重開幕，鄭伊健擔任開幕禮特別嘉賓，獲贈電影主角狼人限量紀念品。同場有邵音音、戴夢夢、張家瑩、蔡國威及劉錫賢等。鄭伊健開心港島南區終於有戲院，以往睇特技大片皆要過九龍區，現在近屋企很多。

撐MCL海怡戲院開幕

至於與太太蒙嘉慧是否多去戲院，他說：「多，現在流行集體睇戲，會包場，有飯食又有爆谷。(需要喬裝入場？)無，睇戲很簡單，現在無人影，婚後自由很多，加上多數揀很早或很夜的場次。」伊健稱曾為將軍澳某戲院剪綵，獲贈永久免費入場會籍，口快快話對方之後執笠無用，當場知道開幕日不應這樣講，隨即改口話對方易手，亦希望這次同樣獲得任睇戲票。

戴夢夢不介意被邵音音斥戇居

邵音音與戴夢夢一起拍攝《跟住矛盾去旅行》，節目中音音姐直斥夢夢處理感情事「戇居」。音音姐表示：「當然戇居，你要是偷偷地拍拖，卻被人家老婆、傳媒及觀眾知道，好多人去插你，一件偷情事件令你變成公敵，這又何必！(可能夢夢想被人知道？)好多人都咁問我，但唔會啩，又唔出奇，以前電影界女明星爭男明星時候，特登叫記者去樓下影相，亦可以咁去懷疑，我就無懷疑過她，又唔關我事，加上他們已經拍拖，再問也沒意思！」

夢夢指音音姐平日都話人戇居，覺得無所謂。至於處理今次戀情是否戇居？夢夢說：「又無，音音姐講自己事，我從自己角度去講，大家有些矛盾才好睇，又不覺得特別窒我，她平日都窒人，不窒你即是唔friend，窒你即代表好friend。(男友有否擔心你不開心？)他驚過我，好在出街後反應OK！」

記者：梁榮達

攝影：鍾偉茵