「香港須改 特首要變」橫額換走 謝偉俊：革命尚未成功
[2016.05.03] 發表
【明報專訊】被形容為「西環契仔」嘅立法會議員謝偉俊(Paul)，早前喺九龍東一帶掛上寫有「香港須改 特首要變」口號橫額，但之後改咗，而佢仲喺facebook背景照中「開天窗」，聲言「特首在Banner在 特首變Banner變」，引起不少揣測。雖然該fb背景照仍然存在，但橫額已被換走。謝偉俊噚日喺DBC節目直言，前面4個字(香港須改)「唔死得人」，又形容「革命尚未成功」。
「八字玄機大家去悟吓」
阿Paul被問到橫額後半句「特首要變」係想講變啲咩，以及佢「真心」想講嘅說話係咩，Paul就話「八字玄機大家去悟吓啦，咁樣先好玩」。
佢之後化身「解籤人」，指字面上而言，大家都會認同「香港須改」；至於「特首要變」，佢話「變」有好多解釋，當中最重要解釋係「施政作風、策略、手法」上係咪要變，但如果死性不改、執迷不悟，「係咪應該要改人呢？」
主持追問橫額如今改變，係咪代表特首態度已變，Paul就笑言「革命尚未成功」，重申希望改變現狀。佢又提到坊間對橫額有不同意見。不過，橫額事件睇嚟無影響阿Paul心情，佢噚日就同白姐姐一齊，喺鑽石山站派發毛巾花，同街坊預祝母親節。
更多港聞
教評會研參選撼葉建源 標榜中間路線 斥港獨自我封閉
【明報專訊】立法會選舉將於今年9月4日舉行，教育界功能組別設一個議席。上屆與教協對壘的教評會表示，今年將積極考慮派人出選，提供「中間出路」予... 詳情
【明報專訊】兩文三語有課可上，創業又是否可以「教」呢？校記吳嘉如出席國際成就計劃香港部舉辦的「生涯規劃與創業教育」講座，了解創業教育的好處，...
詳情
相關新聞
