進出口界變批發零售界 黃定光無端端被轉界
[2016.04.19] 發表
【明報專訊】選民登記5月2日截止，循進出口界進入議會嘅民建聯黃定光(象哥)，最近收到選舉事務處通知，話佢已經轉咗去做批發及零售界嘅選民。唔通象哥見批發及零售界嘅議員方剛唔會再尋求連任，想轉去搶人個位？
黃促交代 選舉處：會跟進
非也，其實象哥喺不知情下，被人轉咗功能組別，所以噚日喺政制事務委員會上好嘮嘈，喺討論今年9月立法會選舉實務安排時，要求當局交代。象哥形容自己「盤古初開有功能組別以嚟，一直都係進出口界，自己點會轉去另一界別呢？」佢又話自己「從來未沾過批發及零售界邊」，所以佢上星期收到信後立即填番表格，要求選舉事務處更正，改番做進出口界選民。選舉事務處總選舉事務主任李柏康回應話，唔方便喺會上討論個別個案，但會返去跟進。
象哥同Emily講，自己參加好多商會，如果真係要講同批發及零售界嘅關係，相信就係加入咗港九百貨業商會，但佢自己無可能會轉去其他功能組別，即使商會要幫佢搞，都要佢簽名，否則就係犯法，所以一定會繼續要求選舉處交代點處理。
更多港聞
【明報專訊】特首梁振英女兒梁頌昕引發嘅行李風波，令好耐無現身嘅前港區人大代表「飛天豬」朱幼麟現身。佢喺前日空總集會上話，原來當日前線職員聽梁...
詳情
【明報專訊】牽涉換樓風波嘅民政事務局常任秘書長馮程淑儀小休後昨日終於復工，至於其丈夫、機管局企業發展執行總監馮永業據悉近日亦有上班處理公務。...
詳情
相關新聞
