民主思路開實驗室收集民意
[2016.03.10] 發表
【明報專訊】立法會選舉仲有半年先舉行，不過各路政黨團體已經摩拳擦掌做好準備。由湯家驊(Ronny)牽頭嘅智庫民主思路，噚日宣布喺北角同馬鞍山成立兩個「政策實驗室」，收集民間對不同政策嘅意見。雖然Ronny噚日話民主思路係咪出選立會言之尚早，又強調「實驗室」同普通政黨辦事處嘅性質唔同，但就重申走入議會一直係民主思路嘅其中一個目標。唔知Ronny今次搞「實驗室」，係咪同時想增加樁腳，或者測試民間支持度呢？
據Emily了解，兩個「實驗室主任」、即係民主思路聯席召集人劉培榮同理事黃梓謙，都考慮緊選唔選立會。不過Emily問番兩名當事人，佢哋都異口同聲耍太極，話仲有好多因素要諗，無承認嘅同時，亦都無否認。
召集人同理事考慮選立會否
上月底立會新界東補選，本土民主前線梁天琦以6萬幾票高票落選，但聲言行第三路線嘅新思維黃成智，就只得萬幾票。作為前新界東議員，Ronny覺得今次補選議題狹窄，相信唔會決定到9月選舉嘅結果，但就相信每個香港人都希望有更多選擇。至於會唔會同新思維喺選舉合作，Ronny就話都係言之尚早。
更多港聞
【明報專訊】自由黨榮譽主席田北俊（田少）一向唔支持特首梁振英（CY）連任，田少噚日更進一步，將自己參唔參選立法會押喺對方身上，話自己喺立法會...
詳情
科大社運學者看好港前景 指港完善司法對北京重要
【明報專訊】科技大學新成立公共政策研究院，創院院長是研究革命及社會運動、人口老化等的公共政策教授金世杰（Jack Goldstone）。他認... 詳情
【明報專訊】港大教育學院中文教育研究中心顧問謝錫金，將於下月2日（周六）早上在港大圖書館主持講座，與教師、家長分享香港家庭應如何培養幼兒中文...
詳情
相關新聞
