【明報專訊】1億元六合彩今晚攪珠喇！為隆重其事呢個慶祝六合彩40周年嘅活動，馬會請番差不多已成為六合彩圖騰嘅前主持人夏春秋「冬叔」出山，聯同4名現任主持蔡運華、吳珮如、范文雅及陳思琦出任嘉賓主持，一齊見證紀念時刻。 除咗有重量級主持外，今晚嘅攪珠亦會加長至10分鐘，變成「特別加長版攪珠」。攪珠喺晚上9點半舉行，上個禮拜二已經開始接受投注，至噚日黃昏已經收到2.2億元投注，反映全城都為呢個大彩池瘋狂。馬會話，場外投注處今日會提早於早上9時開始，至今晚9時15分截止，想刀仔鋸大樹嘅市民緊記呢個時間喇！
|
| |
| |
;){kind=small}
