【明報專訊】電影《PG戀愛指引》前晚舉行首映禮，莊思敏、崔碧珈及陳婉衡等女主角繼續鬥性感，結果由穿上大Deep V連身裙的莊思敏勝回一仗。陳婉衡的低胸裝也甚為搶鏡，但左邊防走光膠紙移位，亦要乖乖認輸。現場吸引近30名龍友拍照。

莊思敏胸贏崔碧珈陳婉衡

莊思敏笑說﹕「都話大家今次好合作，每人盡情性感一次，上次崔碧珈，今次輪到我，之後謝票可能輪到另一個。(患感冒仍作性感打扮？)希望不會死，都無時間睇醫生，是打電話睇症，助手去攞藥。如果票房過千萬就穿比堅尼玩水槍，我給途人任射，所以憎我的朋友快些入場。」

崔碧珈被家人問牀戲真定假

崔碧珈表示大家沒有計算要贏，最重要是幫到電影宣傳，好多朋友有訂票支持。提到戲中與陸駿光有場激烈牀戲？崔碧珈說﹕「朋友都話大膽，家人就提出一個好傻的問題，問我拍戲是真還是假，已經答到口水乾，其實是做戲！」

陳婉衡﹕未係時候騷馬甲線

陳婉衡表示今次打扮是配合活動主題「Hot & Sexy」，自己的馬甲線仍未是時候騷出來，大家都是尊重齣戲，不會刻意去鬥性感。

岑日珈唔敢硬撼堅持曬玉背

岑日珈這晚堅持曬玉背已足夠，自言沒有什麼可以騷，一定會輸給各人，况且大家路線不同，自己較為保守。對於莊思敏提議票房過千萬便會穿比堅尼任人射水，岑日珈笑言不會參與，只會穿透視裝及遮掩重要部位。

陸駿光拍牀戲 老婆覺平常

陸駿光戲中與崔碧珈及曾淑雅分別有激烈牀戲，他笑言報道出街後被朋友追問心情，其實自己當時很緊張。事前有否向太太備案？他說﹕「有，但她沒什麼，說好平常，外國劇不時都有，更說下次演男男戲更好！」

記者﹕梁榮達

攝影﹕鍾偉茵