林卓廷珍藏鹵水汁 「畀個女做嫁妝」
[2016.02.13] 發表
【明報專訊】咪以為民主黨北區區議員林卓廷淨係識講反圍標，原來仲入得廚房。佢噚日搞新年團拜，親自下廚，用珍藏陳年滷水汁煮雞翼。林卓廷話曾經搬過3次屋，每次最重要就係攬住煲滷水走，仲講笑話要將珍貴嘅滷水汁送畀個女做嫁妝。
阿廷話地區工作忙，𠵱家少咗親自下廚。難得新正頭就煮幾個家常小菜招呼記者。阿廷兩個仔女仲好乖咁幫手拎碗筷。講起兩個仔女，阿廷笑到見牙唔見眼，仲話有咗細女，就明白掌上明珠嘅意思，但佢竟然話個仔太乖，好希望有一日個仔會駁嘴。
更多港聞
相關新聞
