鄭秀文自爆初戀去睇戲 與男同學偷偷摸摸嗌正
【明報專訊】鄭秀文(Sammi)、任賢齊(小齊)與導演杜琪峯(阿杜)昨日現身於中環舉行的《影院•娛樂 全方位爆發新動力》記者會，支持豐德麗控股公司與洲立影藝有限公司合作，介紹集團旗下的MCL院線新發展，未來將增加中港兩地的戲院數量，希望達到區區有戲院的目標。戲院亦計劃增設薄餅、曲奇及甜品美食；並引入電影以外的新娛樂項目，如歌劇、芭蕾舞和中外演唱會的播放服務。席上，由麗新集團主席林建岳博士與寰亞洲立集團榮譽主席黎筱娉主持揭幕儀式，方逸華也有出席捧場。
望個唱和戲院同步直播
在台上談到戲院能播放演唱會，Sammi認為是創意思維的喜訊，感到期待、興奮和震撼。小齊稱：「買不到門票或無時間到個唱現場，入戲院睇都很好玩。現代科技音響效果好，還可睇歌手前後台不同角度，好驚喜。」阿杜更絕核，他笑說：「時代變成這樣，戲院無戲放，將所有新媒體放入去都好，觀眾多些選擇。我鍾意睇波，若可邊睇邊抽煙、打麻將就好了。」小齊希望社區多開影城滿足衣食住行；擔任主持的鄭裕玲笑言，最好可搬埋入去住。
播球賽 預計安仔好歡喜
受訪時，小齊再談到獲知有幾位美國歌手試過於戲院直播個唱，反應受歡迎。Sammi也希望將來開個唱，嘗試在戲院同步直播，覺得有市場，她說：「睇的內容不是電影，而是個唱，如果直播外國個唱，相信歌迷會好開心。我剛才有問過老闆，老闆話播個唱會比戲飛貴少少，我反問我有無份分紅？」小齊期待入戲院睇球賽，Sammi立即聯想到另一半許志安也會喜歡，並笑說：「男人一定睇到炒蝦拆蟹，我諗我隔籬那個都會，同大班朋友睇會好開心。」
Sammi提議戲院添設懷舊食品，如雞蛋仔、燴魷魚；小齊就想入戲院食茶葉蛋。Sammi說：「我睇戲不能無爆谷、零食，所以減肥時不會入戲院。」她又憶起初戀去碧麗宮睇戲，跟男同學偷偷摸摸，感覺好正，被問到摸黑做什麼？她即扯開話題：「聽過有男同事在戲院內被人非禮摸大髀，不敢出聲，換上是以前的我都會好驚，如果現在被我遇到，一定要逮捕非禮的人，要嚴懲！」
記者：鍾一虹
攝影：黃梓烜
■更多娛樂猛料 ﹕ol.mingpao.com
G.E.M.：就快無人同我玩 JW維護沒強搶富二代男友
【明報專訊】鄧紫棋（G.E.M.）自與林宥嘉分手後，曾傳戀上馮允謙，但對方有位圈外女友，兩人是純音樂交流的好友；早前又傳好友超蓮為G.E.M... 詳情
