工黨單張評不施政報告 房署唔畀貼
[2016.01.21] 發表
【明報專訊】特首梁振英(CY)早前發表施政報告，工黨就以李卓人名義，印製咗評論《施政報告》嘅單張，準備貼喺選區屋邨告示板。但工黨區議員譚駿賢噚日發火話房屋署離譜，指房署認為單張批評官員唔好，唔畀貼。譚駿賢話，官員咁搞法，不如「香港名正言順搞個中宣部算罷啦！」Emily打電話去房署了解，至截稿前未獲回覆。
工黨嘅單張，主要係話CY提出「一帶一路一片紅 退保標時零關注」，其中單張上寫明CY喺民生議題「走數」，「無視民生訴求，根本就是《不施政報告》」，譚駿賢話呢幾句內容就被房署評為批評官員。譚駿賢同Emily講，佢哋唔會理房署，照樣張貼，睇吓房署依據邊條法例阻止。
更多港聞
【明報專訊】下學年參與小一派位的跨境學童數目上升，專為跨境童而設的「跨境專網」增加了6所葵青區學校，多提供225個學位，全港跨境專網學額因而...
詳情
相關新聞
