馮煒光：本土非「公餘回母校做義工」
[2016.01.05] 發表
【明報專訊】特首梁振英經常喺唔同場合狠批本土意識，不過財爺曾俊華早前就唱反調，喺網誌以自己喇沙書院舊生為例，將「喇沙仔那股對學校近乎狂熱的歸屬感」，與近年流行嘅「本土思潮」相提並論，認為「有不少共通之處」，仲話呢種感情可以團結成具建設性力量，推動香港變得更好。經常為特首護航嘅新聞統籌專員馮煒光，噚日喺報章專欄就大談本土思潮，大鬧本土「異化」咗，仲唔點名話，今時今日講嘅本土並非「公餘時回母校做義工」，而係包裝咗嘅港獨、分離主義。
話要敢批評「賣分離狗肉」嘅人
馮專員又話，雖然可以表揚同鼓勵本土積極一面，但都要有膽識批評「掛本土羊頭，賣分離狗肉」嘅青年人，如果「是其是，不非其非」，對社會無好處。馮煒光呢番評論，唔知係咪針對財爺早前唱好本土嘅言論呢？
馮煒光仲公開挑戰話，如果「本土派」聲明，香港係中國一部分，以及譴責港獨、反對分離，佢先會承認佢哋係真正「本土」。
更多港聞
【明報專訊】香港迪士尼樂園再推「港人優惠」，持有香港身分證者，即日起至2月2日可於迪士尼官網購買「食玩買」套票，成人589元，小童418元，...
詳情
中一自行收生 「入英中機會增」 學生少 學額不減
【明報專訊】2016年度中一自行收生階段昨日展開，家長可由即日至1月20日，為子女報讀兩所不受區域限制的心儀中學。根據教育局截至2015年1... 詳情
【明報專訊】昨天是中一自行分配學位接受申請首日，有家長一早便到傳統名校皇仁書院交表，大部分遞表的都是跨區選校，他們均異口同聲表示「兒子自己選...
詳情
相關新聞
