兩被熱血圍 黃碧雲fb開火 話網民集會被騎劫 難再出席

【明報專訊】立法會雖然休會兩周，但因《2014 版權( 修訂) 條例草案》出現嘅戰事未結束，民主黨議員黃碧雲上周兩晚去反對條例嘅集會，都被部分示威者包圍指罵，事後碧雲喺facebook同熱血公民開火，大鬧「熱狗」同黃毓民搞事，有人騎劫咗個集會。碧雲同Emily講，鍵盤戰線搞手本身係熱血時報主持，而上周主持集會時都唔係好公道，佢根本無機會講民主黨立場，所以除非集會無畀人騎劫，否則佢唔會再出席，費事畀人乘機「抽水」，亦費事搞到有人受傷。

呻無機會講民主黨立場

黃碧雲上周喺集會被包圍，事後熱血公民黃洋達承認有叫成員去包圍佢。碧雲就喺fb鬧「熱狗」，仲燒埋喺立法會內批評佢嘅教主黃毓民。碧雲喺fb不點名批評，「黃老狗點解係都要搞散泛民至安樂？正一係香港民主運動的敗類。他們才是真正『賣香港』和『出賣民主運動』吧！」

過去一直有部分反對版權條例嘅網民不滿民主黨取態，認為只提反對唔拉布係無用。不過，碧雲同Emily講，其實「熱狗」騎劫集會，只係自己呃自己，話對方想製造假象，造成好似所有網民都係反對民主黨，咁就可以抽水。佢話呢兩晚集會，就畀大家睇清楚，究竟係乜嘢人想乘機搞破壞。

更多港聞

嘲之鋒入唔到八大 阿叻被圍攻

【明報專訊】藝人「阿叻」陳百祥喺港台節目《我係乜乜乜》中，被問到如何看待時下年輕人時，點名話就讀公開大學嘅學民思潮召集人黃之鋒，「你同我考1... 詳情

郭炳湘樂見多年輕人選區會

【明報專訊】今屆區議會選舉，明顯多咗年輕人參選同投票，無論泛民定建制，都有唔少年輕參選人勝出；新鴻基前主席郭炳湘話，好高興見到呢個現象，仲令... 詳情

高永文今日復工

【明報專訊】食物及衛生局長高永文今個月初參加長跑比賽時，起跑無耐就畀細路仔絆倒受傷，要縫針兼休養。署理食衛局長陳肇始噚日出席活動，Emily... 詳情

香港公園溫室賞「多肉植物」

【明報專訊】除咗春夏，冬季亦係賞花日子，由於部分「肉質植物」喺冬天開花，特別適合喺冬天觀賞。香港公園霍士傑溫室展覽廳今日起舉行「肉質植物展覽... 詳情

聖誕老人慈善跑 為基層籌款

【明報專訊】聖誕老人噚日喺沙田白石角出沒！不過唔係派禮物，而係參加由慈善機構「寰宇希望」舉辦嘅慈善跑活動，為低收入家庭籌款。4個曾經喺國際聖... 詳情