選舉畸形論 陳健波向建制派道歉

選舉畸形論陳健波向建制派道歉

[2015.11.11] 發表

【明報專訊】立法會財委會主席陳健波前日喺電台節目談及立法會「拉布」時，突然話香港選舉制度畸形，「(候選人)可能2萬票3萬票已經(當選)」，故選票難以懲罰到「拉布」議員，結果言論引起迴響，因為唔少建制派議員本身都係憑兩三萬票當選。波哥為咗建制盟友唔好誤會佢，噚日就主動喺建制派WhatsApp群組發信息澄清。

波哥同建制派講，如果佢嘅言論引起大家「不舒服」，佢就此致歉，強調自己唔會「單打自己人」，只係對手故意挑撥。

對於佢前日嘅言論，波哥就向Emily澄清，話絕對尊重選舉制度，只係想表達政治現實上，「拉布」議員亦有支持者，喺選舉中佢哋唔會因「拉布」而要付代價。佢強調要懲罰佢哋「入肉」，可以扣減人工等。

波哥又話自己無太多政治計較，有朋友都話佢「講大咗」，自己會從今次事件汲取教訓，說話用字會更小心、「講慢啲」，以免令人將其說話自行發揮。