警察fb提添衣 網民：關懷如慈母
[2015.10.12] 發表
【明報專訊】警察最近喺facebook開咗個專頁，但無論出咩post都被網民不停留言洗版。噚日天氣轉涼，「香港警察」fb page就貼圖提醒大家「記得要添衣」，張圖有個著住黃衫藍鞋嘅漫畫少女，另寫住「秋天到了」。
「七警案要拖多少個秋」
但有網民似乎唔多領情，有人「讚」警察「有如慈母一般的關懷」，亦有大批網民繼續問七警案進度，不過唔少網民嘅留言即使係講七警案嘅，都同警察個post有關㗎，好似「七警打人案要拖多少個秋天？」亦有人話「秋風及黃葉告訴我們：一年了，七警還未被起訴！」有網民就話「著多件衫防唔防到警棍亂扑人」。
當然，留言都唔係清一色淨係鬧警察嘅，亦都有唔少撐警網民多謝警方提醒，又叫警察都記住添衣，都要多多保重。
更多港聞
【明報專訊】器官捐贈教育不但能推動學生無私奉獻，也可啟發他們愛自己。聖公會年前製作教材，鼓勵學生總結自身經歷，明白人生有痛苦與挑戰，但都是成...
詳情
相關新聞
