狄志遠要搞「進步」黨
[2015.09.12] 發表
【明報專訊】已退出民主黨嘅狄志遠(Dick，圖左)同黃成智自行組黨，仲話前晚召開咗首次籌備會議，佢哋嘅共識係黨名以「進步」為關鍵詞，話想表達組織嘅理想。佢又話指組織策略上定位係「與泛民做朋友，同時跟建制派做朋友」，咁即係個個都係朋友？
阿Dick話，新政黨會走中間路線，希望有新面孔加入。被問到會唔會搵民主黨成員羅致光等人入黨，阿Dick話唔會主動挖角，費事畀人話佢撕裂某個政黨。
阿Dick噚日繼續講佢點樣受氣，話喺過往政改爭拗之中，佢畀民主黨排擠，而黃成智同民主黨部分立場較溫和嘅成員，包括羅致光、張文光同李華明等，都被邊緣化同畀黨友批評。佢話大家理念一致，只係手法唔同。佢支持同中央溝通，但唔認同自己係「忠誠反對派」。
同場嘅泛民會議召集人何秀蘭(圖右)就話，泛民理念與阿Dick唔同，包括政改方案上「袋住先」方面，「袋與唔袋是有原則性問題」。
更多港聞
【明報專訊】終審法院最近搬返去翻新好嘅中環昃臣道舊立法會大樓，而炮台里嘅舊址未來會留畀其他法律組織用。律政司噚日再宣布律政司長辦公室，就嚟會...
詳情
相關新聞
