品牌局出書記本土名牌發迹路

【明報專訊】香港品牌發展局今年創立第十年個年頭，為咗慶祝，品牌局走訪咗多間「品牌選舉」得獎公司，寫成一本叫做 《香港品牌‧新‧經典》嘅書，噚日正式發行。署理商務及經濟發展局長梁敬國喺新書首發儀式話，以前香港有好多靚建築，不過𠵱家好多都拆咗嚟改建，而香港都有好多靚品牌，呢本書就可以作為紀錄，咁樣舊品牌先可以改造成新品牌。

包括六福珠寶李錦記等

Emily就「先睹為快」睇咗本書，裏面有21間香港品牌嘅發迹故仔，包括六福珠寶、李錦記、米蘭站、日本城、Neway、德國寶同鴻福堂等。佢哋分享自己嘅致勝之道，除咗話開拓內地市場，零售品牌都不約而同咁話，近年積極發展網絡銷售，同埋利用社交媒體嘅優勢，以迎合O2O(Online to Offline)年代。

城大商學院竇文宇教授噚日喺研討會話， 要喺互聯網+年代建設品牌，「最緊要係畀到體驗消費者」，當中有三大重點，包括線上線下嘅連結體驗、社交媒體嘅虛擬體驗、仲要內容夠獨特及具創意啟發性等。

更多港聞

「奮起」抗戰

【明報專訊】噚日喺香港各界紀念抗日戰爭勝利70周年大型展覽開幕酒會，有文藝表演環節，表演者著上類似軍服，喺台上演出，表達艱苦抗日戰爭嘅故事。... 詳情