林超英製污染物「南下」通道圖

天文台前台長林超英以8月23日各區監測站的最高臭氧濃度數值，製成一幅污染圖（紅色數字），結合當日風向變化，分析空氣污染物南下後向東移，（黃箭嘴顯示氣流方向），吹到九龍及香港島兩邊山脈之中，形成高污染地區。（林超英提供）

【明報專訊】近日空氣質素麻麻，天文台前台長林超英花咗唔少心思，追蹤到污染物嘅移動路徑，佢以前日(23日)做例子，勾勒出一條「污染直送通道」，發現污染物由珠江口南下東涌後，再向東移，飄至人口密集嘅中西區，以致本港多個地區嘅空氣質素健康指數，都達到8級或以上嘅甚高，甚至最嚴重嘅10+級。

林超英話，當日大氣主要污染物係臭氧，各區濃度普遍為每立方米逾200微克，超出環保署標準(上限160微克)。當天背景氣流是北風，隨着太陽暴曬和整片新界陸地升溫，到下午海風形成，西部嘅氣象站如赤鱲角顯示轉吹西風，由珠江口南下嘅氣流及污染物，下午隨住西風轉入屯門與大嶼山之間嘅水域，加上大嶼山山脈嘅屏障阻擋，污染物飄到青衣一帶，再向前走，積聚咗喺九龍同香港島兩邊山脈中，形成高污染地區。

噚日本港空氣污染未有好轉，下午15個監測站嘅污染指數全部達到8或以上「甚高」水平。林超英話，8月8日早上發現空氣質素欠佳，於是打畀媽媽，提醒佢唔好出街，但佢已去咗晨運，刺激呼吸道舊患，連續幾日咳嗽，痰中帶血絲，最後要住院數天，證明空氣污染已經唔係概念上嘅「健康風險」，而係確實危害健康。

更多港聞

海關收13舉報 Slide the City涉違商品說明例

【明報專訊】一連3日喺啟德郵輪碼頭舉行嘅「Slide the City」噚日完結，有參加者唔滿意主辦單位首日喺無通知下提早「截龍」，部分人原... 詳情

馬會資助足總培訓足球小將

【明報專訊】Emily不時都會留意吓體壇消息，噚日香港足球總會宣布賽馬會慈善信託基金資助咗1.2億港元，畀佢哋推出5年足球發展計劃，由今年7... 詳情

第18屆校園記者：學傳統紮作 細聽我城故事

【明報專訊】香港由小漁村蛻變成今日的亞洲國際都會，在百多年來上演了不同的故事。海事博物館的「香港製造：我城．我故事」展覽蒐集百多年來各行各業... 詳情