閃眼挑戰盼5萬人響應

【明報專訊】噚日Emily預告咗脊髓肌肉萎縮症慈善基金(FSMA)發起「閃眼挑戰」，替病人籌款，噚日FSMA正式啟動呢個活動，邀請咗海洋公園前主席盛智文(右)率先「眨眼」，呼籲大家響應，拍條「blink your own way」短片。盛智文仲邀請咗前財政司長梁錦松、現任商務及經濟發展局長蘇錦樑及前局長馬時亨接受挑戰𠻹。基金希望有5萬人響應，如果一人捐100蚊嘅話，咁佢哋就籌到500萬喇。

只有兩隻手指郁得、憑苦讀啱啱考入港大嘅周佩珊(左)，噚日喺啟動禮呼籲大家齊齊眨眼，之後點名要求3個親友接受挑戰；被點名嘅人要喺fb上載一條自己眨眼嘅短片，否則可以揀捐100蚊畀FSMA，當然兩樣做晒都得啦。FSMA會將收集到嘅眨眼片剪成一套有趣片，為病人打氣同畀參加者回味，甚至有機會用嚟挑戰世界紀錄，善款會用嚟為肌萎病人添置維生儀器、營養品同提供物理治療服務。

更多港聞

何秀蘭藥物敏感瞓醫院

【明報專訊】工黨立法會議員何秀蘭（阿Cyd）噚日喺facebook透露自己已經瞓咗7日醫院，原來佢做完個小手術後，因為藥物嚴重過敏，令到全身... 詳情

第18屆校園記者﹕環保舞劇 十二生肖救地球

【明報專訊】提起十二生肖，大家可能會想起牠們相生相剋的關係，但在香港舞蹈團音樂舞劇《十二生肖大冒險の冰雪奇熊》中，牠們全都和諧共處。該劇透過... 詳情