綠茶名店「食物」放廁所 中村藤吉：屬瑕疵貨已棄掉

有人喺「高登貼圖區」嘅facebook貼出照片，話來自京都嘅人龍綠茶店「中村藤吉」將食物放喺廁所。Emily見到即刻走去舖頭問吓，店員就話啲貨已經過期同埋有瑕疵，唔會畀人食咁話。（「高登貼圖區」相片）

尖沙嘴The ONE 18樓嘅「中村藤吉」係日本京都百年綠茶老店，今年5月登陸香港，即吸引大量綠茶控去排隊，仲要係未開門就有人喺樓下商場等候。（資料圖片）

【明報專訊】嚟自日本京都嘅抹茶百年老店「中村藤吉」係唔少綠茶控嘅心頭好，佢喺5月登陸香港，到家陣仲經常排長龍，點知噚日有人喺facebook貼出中村藤吉廁所相，仲有說明聲稱嗰張係間舖放食物喺廁所嘅「驚嚇」照片，相片顯示馬桶旁邊放咗多個紙箱，內有一包包嘢，真係嚇到好鍾意綠茶嘅Emily變咗阿驚。

「高登貼圖區」嘅fb噚日貼出呢張廁所照，仲留言﹕「 雖然放果d食物好似有晒包裝，但將食物放係(喺)廁所會唔會唔係幾好呢?」咁究竟佢哋係咪真係放食物喺廁所？中村藤吉香港店市場部解釋，話圖片中嘅貨品係瑕疵貨品，暫存嗰度係為避免阻擋通道，已經於店舖關門後清理同棄掉。佢哋話該店注重衛生，每日都檢查食品包裝同期限。

中村藤吉創立於1854年，出品曾成為天皇貢品。佢間香港店位於The ONE，成日大排長龍，收費唔平，曾有報道話佢最貴嘅別製初昔抹茶索價198蚊，食個丸十芭菲都要98蚊。

更多港聞

美名嘴論以胸襲警案 「唔通似雙截棍？」

【明報專訊】女示威者喺光復行動中被指用胸部襲警，早前被判監3個半月，案件唔止喺香港震撼，更「揚威」海外，好似BBC、CNN同女性雜誌Cosm... 詳情

歐遊梁振英提前今返工

【明報專訊】一般人放假去旅行通常流連忘返，特首梁振英（CY）噚日就宣布提早結束休假，下午返咗香港，提前今日返工。傳媒行家噚日就喺機場「捕獲」... 詳情

警隊年底推fb有吉祥物

【明報專訊】警察公共關係科噚日同傳媒行家聚會，「4點鐘許sir」許鎮德同Emily及行家講起，警隊知道與社區互動及發放資訊要多樣化，繼早前嘅... 詳情

田少抽水之餘想偷師 「40萬拉Banner求婚」熱議

【明報專訊】自由黨榮譽主席田北俊個facebook可算係本港政壇中最有話題嘅人物之一，皆因佢每次出post，似乎都要抽吓水、寸盡政圈事。田少... 詳情

卿姐訪菲探重囚港人

【明報專訊】民主黨劉慧卿去咗馬尼拉，除咗同菲律賓政府勞工就業部（Department of Labour and Employment）及海... 詳情