黃成智狄志遠拖馬去台北 商第三路線平台 不見政黨
[2015.08.01] 發表
【明報專訊】已退出民主黨嘅黃成智，今日會拖男帶女去台北，不過就唔係散心，而係同一班核心成員討論下成立「第三路線」新平台嘅論述，成智話喎，想利用自己剩番少少嘅影響力，做番啲嘢畀香港人可以有第三條路選擇。台灣反課綱學生持續喺立法院、教育部前面抗議，咁唔知成智同狄志遠會唔會去觀摩一下？黃成智就話唔會喇，費事畀人影到相喎。
後政改嘅政治格局出現唔少「中間路線」嘅智庫同平台，成智希望平台可以係多範疇開闢第三條路，佢做咗地區工作多年，應該會主打民生、房屋等政策。
黃成智主打民生房屋政策
湯家驊嘅「民主思路」主力針對如何喺一國兩制下爭取民主，成智話，有學者都向佢提出過可以參考吓民進黨蔡英文點喺兩岸問題同爭取年輕人支持之間取得平衡。不過，佢哋今次台北之行唔會約見政黨人士，佢仲講笑話可能喺西門町會見到佢哋集思。
更多港聞
【明報專訊】政府新聞處喺facebook專頁上載一張招聘啟示，話9月聘請俗稱AO嘅政務主任和行政主任等職位，原本都係提供資訊，應該無乜風險，...
詳情
相關新聞
