劉江華變「曾德成先生」
[2015.07.23] 發表
【明報專訊】政府前日大換班，民政事務局更係位處風眼，負責民政事務局網頁嘅政府人員唔知係咪忙得滯，搞錯咗兩個新舊局長嘅簡歷。事緣前日「易帥」後，民政事務局長簡歷嘅網頁雖然識得換上新任局長劉江華嘅相片，但就仍然用緊前局長曾德成嘅簡介，結果曾德成嘅簡介就放喺劉江華張相隔籬，唔知嘅仲以為張相係曾德成嘅。
好彩劉局長雖然2012年選舉輸咗立法會超級區議會議席，但知名度高。局方呢個錯誤好快被發現，噚日朝早仲被多個傳媒截圖報道，事後大約兩個鐘，網址就已經失效嘞。
𠵱家上番民政事務局個網，就可見到劉江華張相，亦見到佢個官職同名。不過，介紹就仍然係民政事務局嘅介紹，未見劉江華個人具體履歷。
(民政局網頁)
更多港聞
【明報專訊】《人民日報》海外版噚日提醒內地遊客，喺香港買藥並非萬無一失。有篇署名文章，題為〈香港買藥當心害群之馬〉，話香港藥品因為價格便宜質...
詳情
第18屆校園記者﹕遊歷佛山江門 細看粵社經文化
【明報專訊】第18屆《明報》校園記者計劃「學習交流團」帶領專題報道比賽得獎師生、校記到廣東佛山及江門，走訪多間當地企業，以及參觀碧江金樓、佛... 詳情相關新聞
