6月首28日旅客跌1.9%
[2015.07.06] 發表
【明報專訊】一連三日嘅香港龍舟嘉年華噚晚深夜結束,旅發局話去到噚日下午5點已有約14.5萬人次到場觀賞,其中「國際公開錦標賽」由東莞麻涌光大龍舟隊勝出,而「建行(亞洲)龍舟邀請盃」就由中國香港龍舟總會龍舟隊勝出。今年賽事唔止鬥快咁簡單,第一次喺海上增設別開生面嘅「龍舟海上拔河」,仲有鬥靚,唔同隊伍亦都以搶眼造型現身「香港航空扮嘢大賽」,爭奪「特色造型大獎」。
商務及經濟發展局長蘇錦樑噚日做頒獎嘉賓,頒獎畀各個比賽得勝者,之後佢當然要講吓旅客數字,佢話,6月首28日整體旅客數字較去年同期下跌1.9%,認為香港要舉辦更多盛事,繼續成為旅遊盛事之都。
蘇錦樑話,內地旅客「一周一行」措施實行咗只有3個月,大多數旅客仍然以舊有「一簽多行」簽注來港,整體「一周一行」成效要觀察多一段時間先會有初步、較明朗嘅走勢。
更多港聞
【明報專訊】早前交還政府管理、位於港島半山司徒拔道嘅法定古蹟景賢里,將會喺本月同下月舉行開放日,畀市民欣賞同了解吓建築特色同歷史,入場券喺嚟...
詳情
相關新聞