前人代考察 內地官陪足全程
[2015.04.20] 發表
【明報專訊】港區人大代表每年都會去唔同省市考察，原來退任咗嘅人大代表同樣有考察團。中聯辦網站噚日發稿，指港區原任人大代表一行25人，今個月12至16日去咗福建考察，前人代吳康民、袁武、吳清輝、簡福飴、曹宏威、高寶齡等都有同行，雖然呢班人代已經退任，但內地都好重視，中聯辦副主任殷曉靜、全國人大副秘書長何曄暉，以及福建人大常委會黨組書記、副主任徐謙亦全程陪同考索。
訪問團先後考察福州、泉州、廈門等地，中聯辦發稿話，殷曉靜對呢班原任人代一直以嚟維護香港繁榮穩定所做嘅工作充分肯定，又希望佢哋大力支持特區政府依法施政，喺推動政改、宣傳《基本法》等方面發揮積極作用。
更多港聞
【明報專訊】香港賽馬會資助「賽馬會青年生涯規劃」計劃，教年輕人規劃人生。呢個活動為期5年，目標對象係15至31歲嘅青年，今年9月正式開始，會...
詳情
相關新聞
