跑馬地地底蓄洪池日內啟用

跑馬地馬場地底嘅蓄洪池，第一期將於日內啟用，署方噚日特登利用地下水示範畀傳媒睇，第日雨水會點樣好似瀑布咁流入蓄洪池暫存，仲好cute咁放咗啲黃色鴨仔喺水入面。左係渠務署長鍾錦華，右為總工程師陸偉雄。（陳倢朗攝）

【明報專訊】唔講大家可能唔知，跑馬地馬場嘅地底喺過去兩年半以來，一直興建緊一個大型蓄洪池。渠務署總工程師陸偉雄話，蓄洪池配備智能系統，一旦遇上大暴雨，會因應跑馬地下游嘅水位，自動升降水閘，將收集到嘅雨水流入蓄洪池蓄起，成個地下瀑布咁款㗎。

收埋嘅雨水會喺適當時先放番出嚟，排出維港，可大大紓緩跑馬地同灣仔一帶，包括馬場本身嘅水浸風險。

蓄洪池第一期工程已經完成，容量達3萬立方米，相等於12個標準游泳池，可以抵禦20年一遇嘅暴雨，預計日內啟用。第二期工程預計會喺2018年雨季前完成，總容量會增至6萬立方米，可抵禦50年一遇嘅暴雨。

儲雨水紓水浸 如地下瀑布

整個工程預算為10.7億元。另外，渠務署長鍾錦華話，署方今年再剔除咗屯門新村嘅水浸黑點，令現時嘅水浸黑點得番10個，會繼續改善工程。

更多港聞

大嘥鬼再去七欖籲惜食

【明報專訊】一年一度嘅七人欖球賽今日開波，呢項比賽一向都「鬼聲鬼氣」，好多外籍「鬼佬」欖球粉絲來港觀戰，場內近年原來多咗隻鬼，就係叫人唔好浪... 詳情

搶包山增擂台獎 爭王中王

【明報專訊】「包山嘉年華2015」嘅壓軸項目長洲搶包山比賽，將於下周四截止報名，而為增添活動氣氛，大會今年起特別喺搶包山比賽增設「擂台獎」，... 詳情

梁太唐媽媽同台

【明報專訊】三八婦女節都過咗一段時間，但噚日就有婦協嘅三八國際婦女節酒會，出席嘅女嘉賓個個分量十足，包括特首梁振英嘅太太唐青儀（左），佢噚日... 詳情

申訴署：追學貸外判不恰當

【明報專訊】申訴專員公署周初批評在職家庭及學生資助事務處（學資處）追討學生欠款措施阻嚇力不足，建議將欠貸「黑名單」交予信貸資料機構，遭私隱專... 詳情

理大出錢出地方助學生創業

【明報專訊】青年創業萬事起頭難，理工大學2011年起成立微型基金，每個獲批申請者可獲10萬元作起動創業，5年近900份申請有64個項目獲批，... 詳情