卿姐：唔使回鄉證返到大陸
議員訪中英街

中英街以地下嘅石碑（左下方）分界，掛滿五星旗嗰邊屬於內地。民主黨劉慧卿（右二）噚日去到中英街，隨即同其他議員，例如民建聯陳克勤（右三）喺屬於內地嗰邊影相留念，話唔使回鄉證就返咗大陸。左一為工聯會陳婉嫻。（岑詠欣攝）

【明報專訊】沙頭角喺2012年起逐步縮細禁區範圍，但中英街同沙頭角墟仍屬禁區，要禁區紙先可以出入。Emily噚日跟立法會議員林大輝、陳婉嫻、劉慧卿同陳克勤去咗禁區考察，隨行嘅仲有保安局官員同北區區議員，總共行咗6個景點，包括被喻為「禁區中嘅禁區」中英街。

石碑為界 分隔中港

過百年前英國向中國租借新界時，就喺中英街分界，時至今日呢條街仍以幾塊石碑為界，一邊屬於香港，另一邊就係大陸，屬於大陸嗰邊仲插滿五星紅旗，好有特色。

議員去到中英街時特別興奮，可能因為部分泛民議員無回鄉證，民主黨主席劉慧卿隨即同其他議員企喺屬於大陸嗰邊影相留念，仲笑言「唔使回鄉證都返到大陸」，又話5、6年前嚟過中英街，覺得環境冇變喎。除咗議員不斷影相，中英街居民亦好雀躍，不斷同議員影相、打招呼，可惜噚日行程緊密，議員未行晒中英街就要走。

更多港聞

特首答問會拉篋？ 毛孟靜：考慮

【明報專訊】特首梁振英（CY）前幾日喺一個閉門聚會點名話公民黨毛孟靜係帶頭「拉篋」反對內地旅客嘅「始作俑者」，不過就無乜與會者提到CY喺席間... 詳情

工黨葉榮擬區選撼葛珮帆

【明報專訊】工黨今年打算派12名社區幹事出選年底區議會選舉，當中有唔少係喺佔領運動嘅活躍分子，包括有喺雨傘運動後先入黨嘅貨車司機宋子明，佢計... 詳情

洪為民：屯門去前海 快過出中環

【明報專訊】洪為民（圖）做咗前海管理局香港事務首席聯絡官，一個星期至少去兩次深圳前海，但佢話由香港去前海其實唔係好遠，由深圳灣過境，去到深圳... 詳情

反三跑青年請願 CY叫「細聲啲」

【明報專訊】特首梁振英（CY）同財政司長曾俊華似乎都唔係好鍾意請願人士講嘢太大聲，曾俊華喺2010年曾對請願者講「多謝你咁大聲」，而CY噚日... 詳情

西貢海灘現「泳池扶手」

【明報專訊】有網友上周四向「Trailwatch徑?香港」報料，指西貢出現疑似浴場，甚似日式私家海邊溫泉，仲影底海旁有「泳池扶手」嘅奇景。據... 詳情