小樹熊曝光 太嘈會收埋
入海洋公園探望需安靜

小樹熊熙熙、悠悠同美美今日正式同市民見面，男仔熙熙（圖）係3隻樹熊入面最活潑好動嘅一隻，鍾意周圍探索，不過小樹熊每日要斷斷續續瞓18至20個鐘，見唔見到熙熙好動一面，就要睇你有無運氣喇。（陳淑安攝）

嚟自南澳洲嘅紅頸袋鼠有3隻，佢哋同小樹熊會住喺同一個地方，不過樹熊掛喺樹丫上面，袋鼠就喺草地上活動（圖）。入場市民到時記得向下望喇。（陳淑安攝）

「澳洲歷奇」展館入面有4隻南澳洲嘅笑翠鳥（圖），個嘴好似匕首，鳥鳴聲聽落就似人嘅笑聲，佢哋天性大膽外向，所以會喺場館入面周圍飛。（陳淑安攝）

【明報專訊】嚟自南澳洲嘅3隻小樹熊終於曝光，今日起喺海洋公園「澳洲歷奇」展館同大家見面，小樹熊分別係兩女一男，全部啱啱滿兩歲，男嘅叫熙熙，女嘅分別叫美美同悠悠，同場仲有南澳洲嘅紅頸袋鼠同周圍飛嘅笑翠鳥，相當熱鬧。不過樹熊生性怕嘈、容易受壓，有壓力就會唔食嘢同好易病，所以海洋公園呼籲入場人士要安靜，仲會管制人流，但如果唔好彩有人太嘈吵，可能就要將樹熊抱入後勤基地，無得同市民見面喇。

Emily噚日參加「澳洲歷奇」展館預覽，搶先見到3隻小樹熊入面嘅兩隻，分別係悠悠同熙熙，美美就未登場，小樹熊每日要瞓覺18至20個鐘，市民入場見唔見到「清醒」嘅樹熊，都要碰吓運氣。

見「清醒」樹熊需碰運氣

海洋公園陸生動物部高級館長祝效忠(Howard)話，3隻小樹熊喺香港適應得唔錯，?家有95%食糧係香港、廣州種嘅尤加利葉，剩低5%嚟自故鄉南澳洲嘅尤加利葉，相信未來一兩個月都可以戒斷。

小樹熊新陳代謝比較慢，有咩病痛未必會即時顯現，為咗確保佢哋健健康康，Howard話飼養員會每日觀察、仔細記錄佢哋進食分量同排泄情况，如果小樹熊唔食嘢、自己搵水飲或排便減少，都可能係生病徵狀，因為樹熊食尤加利葉時已經攝取水分，平時唔使飲水㗎。Howard亦都再次提醒樹熊天生怕嘈，所以工作人員會喺市民入場前、場內，一直提醒大家保持安靜。

小樹熊咁得意，海洋公園主席孔令成相信可以吸引到更多人流，佢話今個月頭3星期入場人次按年跌三成，但近一兩日有回升，相信新館都會有啲幫助。

更多港聞

練乙錚向「無辜當事人」致歉

【明報專訊】《信報》特約評論員練乙錚上星期發表〈梁齊昕的處境不就是香港人的一個縮影嗎？〉嘅文章，特首梁振英隨即去信《信報》，批評文章不顧其女... 詳情

自稱一介草民 孫公「恨講好多嘢」

【明報專訊】當下泛民同建制派因為政改鬧得好僵，但其實平日雙方都仍然有講有笑。噚日全國工商聯房地產商會香港分會舉行季度午餐會，民協馮檢基同基本... 詳情

6月起入職公僕 退休齡延長

【明報專訊】政府噚日公布，今年6月起新入職嘅公務員，退休年齡將會延長，如果係文職公務員，退休年齡會由?家60歲提高至65歲；紀律部隊就由?... 詳情

遊台優惠

【明報專訊】唔少香港人如果想去個短途旅行，台灣肯定榜上有名，而台灣觀光局有多項推廣，吸引更多港人到台灣玩。台北經濟文化辦事處噚日同傳媒茶敘，... 詳情

湯家驊忽然道歉

【明報專訊】曾經表示「謙卑」唔係佢強項嘅公民黨湯家驊（Ronny），噚日忽然向港大法律係教授、基本法委員陳弘毅，同埋公民黨黨魁梁家傑道歉！ ... 詳情