政協開會湯顯明現身
稱捲貪風波「告一段落」
[2015.03.03] 發表
【明報專訊】港區人大代表同政協委員陸續抵達北京，準備開兩會，部分平時喺香港鮮有露面嘅人，上到北京當然逃不過傳媒鏡頭，好似全國政協、前廉政專員湯顯明咁。佢噚日抵埗入住酒店後，被一眾記者追問時，一度迷失方向以為自己去錯地方，結果打咗個白鴿轉搵地方。捲入貪腐風波嘅湯顯明畀廉署立案調查，律政司一直只話快有決定，但湯顯明噚日話事情已「告一段落」，而佢自己 「可以做嘅已做晒」！
黃英豪話無畀50萬亞視
噚日被追訪嘅仲有被傳入標投亞視嘅全國政協黃英豪。有興趣嘅亞視買家，要先付50萬不可退款按金閱覽亞視財務資料，黃英豪噚日畀記者問有無畀50萬亞視，佢斷然否認，答「無」後匆匆離開。
講開兩會，特首梁振英同部分局長噚晚都去到北京，準備拜訪不同部委，今日先有3場公開活動，分別會見中證監、工商銀行同拜會發改委。特區政府好重視「十三五」規劃一事，相信今次同發改委見面，或者會觸及呢個問題。港區全國政協委員劉兆佳就估計，香港喺「十三五」規劃上會有獨立專章，但佢擔心講兩地如何加強合作，會引起本土主義者反對，窒礙香港積極參與喎。
吹節儉風 溫馨提示政協勿宴官
Emily聽聞，港區政協都收到溫馨提示，叫大家唔好邀請內地部委、官員食飯，因為內地實行節約，如果搞宴會外出食飯，畀人影到相就唔係咁好啦。
據聞，人大代表規例更加嚴格，有指有關方面都提醒剛出席2月常委會嘅人代，雖然同3月兩會期間有空檔，但係都唔好離開，鼓勵佢哋留喺北京睇文件。至於政協常委，據講日前有領導人提醒，人代會有出席率比較，但希望政協唔需要做到咁，相信一眾政協都心領神會當中信息喇。
更多港聞
【明報專訊】無綫新聞部近月人事變動多。《am730》噚日報道，無綫新聞原來搵咗已退休嘅民建聯前總幹事陸漢德加入做編輯主任（Managing ...
詳情
【明報專訊】反水貨客團體前日發起「光復元朗」遊行，最終演變成警民衝突。北區水貨客關注組發言人梁金成噚日喺港台《千禧年代》話，衝突係因為「愛字...
詳情
相關新聞
