【明報專訊】港鐵喺初二初三期間推出特別乘車優惠，市民只要用成人八達通，乘搭任何港鐵本地車程，就可以享受「半價」車費優惠。不過，有精明市民發現，所謂「半價」有啲「搵笨」，原來「半價」係相等於小童八達通車費，換言之，市民乘坐短途車時，唔會獲減足車費，仍要支付比成人半價車費多0.1至0.6元。但係坐長途車會「抵啲」，車費減幅比半價仲多。 市民坐短途車，由堅尼地城站至金鐘站，原價係4.2元，「半價」後要收取2.7元，比真正嘅半價多出0.6元；但係如果坐長途車由堅尼地城站去柴灣站，原價係9.4元，但優惠價就只收4.2元，抵過半價。新民主同盟立法會議員范國威話，「半價優惠」的確有啲「取巧」同「搵笨」，認為港鐵難靠呢啲宣傳同公關技巧，彌補平日服務水平上嘅不足咁話。
|
| |
| |
