可優先問特首 怪醫：無計劃問
6議員過往問得少

人稱「怪醫」嘅醫學界議員梁家騮（右）雖然問題唔多，但其實喺議會都幾「活躍」。話說噚日立法會衛生事務委員會特別會議傾自願醫保計劃，怪醫都有出席，仲不斷玩手機，最少持續15分鐘，又同人民力量陳偉業（左）有講有笑。（郭慶輝攝）

【明報專訊】特首梁振英今日公布任內第3份《施政報告》，聽日會喺答問大會回應立法會議員提問。翻查紀錄，過往特首答問大會，有6名議員只提問過一次，由於佢哋問得最少，可以優先提問，相信佢哋喺今次答問大會有得問嘅機會好大。呢6名議員，包括民主黨何俊仁同涂謹申、民建聯陳鑑林同何俊賢、經民聯劉皇發同埋醫學界梁家騮，相信要應戰唔難。

6名議員中，何俊仁同涂謹申相信會問得較為唔客氣，不過佢哋好口密，唔肯同Emily講有咩必殺技。仁哥話未諗問咩，只肯話「都係問熱門嗰啲」；阿涂直情唔聽電話。但最估唔到嘅係梁家騮，只係問過一次嘅佢，居然「未有安排、未有計劃」提問。

「咁都要有好問題先得㗎」

人稱「怪醫」嘅佢同Emily講，「一年有4次答問會，今次問唔到，咪下次問囉」，「咁都要有好問題先得㗎，唔通無就亂咁問一題、湊夠個數咩？」漁農界何俊賢話，可能會關注農地規限問題，包括高度限制、水利設施等，但就話唔會講詳細，驚Emily「放水」畀特首咁話喎。

更多港聞

「外部勢力」送肖像杯 田少：寫錯名都冧

【明報專訊】自由黨田北俊去年底被炒全國政協職務後，反而贏到唔少掌聲，佢噚日喺facebook上載一張相，喺由美國寄來嘅禮物，係一隻有佢相片嘅... 詳情

「五月天」啟德演唱現羅生門

【明報專訊】要令青年人消消氣，好似係政府其中一個重點目標。噚日《文匯報》引述消息話，政府正邀請慈善機構5月舉辦大型音樂會，選址喺啟德郵輪碼頭... 詳情

陳日君牛一 續為社會祈禱

【明報專訊】天主教香港教區榮休主教陳日君樞機（中）噚日喺筲箕灣慈幼修院慶祝83歲生日，仲喺facebook上載切生日蛋糕照片。佢喺faceb... 詳情

區議員帶高登仔落區

【明報專訊】一班高登仔早排話想選區議會，唔好以為得個講字，民主黨沙田區議員麥潤培，呢排就經常帶高登仔落區了解地區問題，為參選鋪定路，噚日就去... 詳情

張仁良搞教院觀光爭正名

【明報專訊】爭取正名大學嘅教育學院，校長張仁良上月喺網誌話，大學教育資助委員會嘅正名檢討小組，定咗下月9至10日到訪教院，同校董會成員、管理... 詳情