光明磊落博物館 盼助市民抒發
展品看警佔旺執法

50歲公務員李小姐話現時對警察失去信心，對警察暴力對待示威者嘅行為覺得「好心痛」，佢對場內「皮革槌」（左中）展品感受最深，因為一見到就會聯想起警察用警棍打人嘅情景。（余俊亮攝）

【明報專訊】社總盼市民捐展品

佔領行動其間，警方執法受到質疑，警隊民望見回歸以來新低，社會工作者總工會(社總)最近搞咗個 「光明磊落博物館」，一班社工早前發現唔少旺角佔領區者，經歷過10月3號警方暴力執法後，都產生負面情緒甚至發噩夢，於是設立「博物館」，希望治療市民身心傷害。社總代表倫智偉指市民可透過提供展品，幫助佢哋抒發情緒。

參觀者：皮革槌最深刻

博物館展出30幾個展品，包括被警方扯爛嘅衣物、防禦警察嘅浮板等，亦播放多條傳媒拍到警方被指暴力行為嘅片段。倫智偉話，展品係喺前線佔領者中取得，展覽只係試吓水溫，佢希望有多啲市民捐出展品及分享背後嘅故事，日後可以喺唔同地方再次展出。

Emily同去參觀嘅公務員李小姐傾過，佢話佔領行動令佢感受到警方執法好暴力，唔明白點解警察受過專業訓練、有嚴格規定仍亂打人，又當示威者「係狗咁趕」，對警察感到好失望、心痛，佢話展品「皮革槌」最深刻，令佢聯想警察用警棍打人嘅情景。

「光明磊落博物館」由噚日起一連4日(28至31日)，喺社總旺角會址(上海街上海中心4樓)舉行，市民可免費參觀。

更多港聞

葉太泰國學煮餸

【明報專訊】新民黨主席葉劉淑儀同女兒Cynthia去泰國過咗一個溫暖聖誕，自言係「無飯煮婦」嘅佢仲去咗曼谷嘅烹飪學校，學煮冬蔭功，喺face... 詳情

陳茂波 讚歐洲岩洞有用

【明報專訊】唔少局長星期日都鍾意寫網誌講時事，好似發展局長陳茂波噚日就喺blog講佢10月時去咗歐洲考察岩洞，好似瑞士位處山區，地理上好啱發... 詳情

一道搬遷令 造就樹王錦田樹屋

【明報專訊】發展局早前舉辦「最喜愛的古樹名木」選舉，結果由元朗水尾村嘅「錦田樹屋」（圖）榮膺樹王。「錦田樹屋」其實係一棵細葉榕，呢棵大榕樹同... 詳情