蔡堅史泰祖金鐘撐黃傘
相旁加聲明：只係攞景 擔遮擋雨

醫學會會董鄭志文（左）、醫學會會長史泰祖（中）、前會長蔡堅（右）企喺金鐘佔領區，共撐一把黃傘，用咗嚟做醫學會會訊封面，但聲明佢哋只係攞景，唔係集會；而相中黃傘「純為擋雨用途」。

【明報專訊】醫學會最新一期會訊嘅封面相，見到醫學會會長史泰祖同埋前會長蔡堅一齊企喺金鐘佔領區，兩人仲一齊撐起一把黃傘，唔知仲以為佢哋撐佔中?。但細心睇清楚，相片旁邊有個聲明，話張相喺11月8日下午拍攝，佢兩個去金鐘係攞景，唔係參加集會或佔領行動，舉黃傘係因為當時落緊雨咁話。

鄭志文叫影相

Emily於是問蔡堅，佢話喺10月底，佢為咗史泰祖唔肯用醫學會名義做佔中民調，又唔做8．31政改框架民調，兩人「鬧晒交」。醫學會會董鄭志文訪問咗兩人爭拗嘅前因後果，最後仲叫蔡堅同史泰祖去金鐘佔領區攞景，影番張相做會訊嘅封面相。

問參與佔中醫生借遮

蔡堅話當日落緊雨，佢哋問一個喺金鐘參加佔領集會嘅醫生，借咗把黃遮擋雨，佔中醫生帶埋藥箱喺金鐘瞓帳幕，有時幫手睇吓病。

唔知佢哋係咪汲取咗美國色士風樂手Kenny G嘅「教訓」呢？Kenny G早前上載一張喺金鐘佔領區嘅相，畀中國外交部發言人表示關注後，Kenny G急急喺社交平台澄清，話自己只係路過佔領區。

更多港聞

高志森叫絕食者自焚

【明報專訊】學民思潮黃之鋒、黃子悅同盧彥慧發起絕食行動未必人人認同，但噚日惹起網民憤怒嘅，係導演高志森同埋香港培青社嘅嘲諷，點解網民咁嬲？因... 詳情

港人對韓政府好感增

【明報專訊】港大民意研究計劃最新調查發現，香港市民對特區政府同內地政府嘅觀感淨值，兩者都唔係咁好，只得負5％，但對台灣及澳門政府嘅觀感淨值則... 詳情

張曉卿邀約莫言

【明報專訊】2012年諾貝爾文學獎得主莫言，應公開大學、中文大學及《明報月刊》邀請，周一抵達香港，當晚大家喺公大設宴接風，世界華文媒體集團執... 詳情

東平洲 塔門 蒲台島 旅局增3行山推介

【明報專訊】旅遊發展局第6年推「香港郊野全接觸」登山遠足、單車旅遊指南，今年新增3條推介行山路線，包括東平洲、塔門同蒲台島。旅發局安排咗兩個... 詳情

劉慧卿兄追戴耀廷$314提訊

【明報專訊】民主黨主席劉慧卿嘅兄長劉醒雄，上月入稟小額錢債審裁處，向佔中發起人戴耀廷追討314.6元額外的士費，案件噚日提訊，審裁官批准戴耀... 詳情