被指無執法 警澄清睇唔到擲「屎彈」

周先生話，3名警員（箭嘴示）喺陶德大廈天台站崗時，約3米外嘅簷篷就有一個已爆開嘅「屎彈」（近戴帽者位置），其中有個沙展話佢哋嘅order係面向奶路臣街，唔知背後發生咩事。（周先生提供）

喺距離警員站崗約3米位置嘅簷篷，有一個已經爆開咗嘅「屎彈」，「款式」與被擲到彌敦道嘅「屎彈」類似，應該都係由糞便加油漆溝出嚟。（周先生提供）

【明報專訊】前晚喺旺角佔領區彌敦道644號陶德大廈，有人喺高處擲下4袋疑似糞便同油漆嘅混合物，濺中十幾名途人。人民力量義工周先生話，人力咁啱喺嗰個位置擺街站，見到有小朋友中招，周先生即時衝咗上去大廈後樓梯，希望沿途截擊兇徒。當佢走到天台，發現有3名警員面向奶路臣街方向站崗，而距離警員大約3米嘅簷篷，有一個已經爆開咗嘅「屎彈」。

人力義工圖截疑兇 天台見3警

周生先問咗句可唔可以抄低警員編號，負責嘅沙展答﹕「係咪我話介意，你就唔寫低先。」周先生覺得呢個答案有「對抗性」；佢再問警員幾時開始當值、見唔見到高空擲物嘅經過，沙展就話喺黃昏起已站崗，但係乜都聽唔到、見唔到。周先生覺得「屎彈喺佢哋幾米外爆開，佢哋無理由聽唔到」，佢最後向到場調查嘅警員留低咗聯絡資料，警員話會再打番畀佢了解詳情。周先生又引述有在場警員話，兇徒有可能喺陶德大廈隔籬嘅皇上皇新廈擲彈。

警：有2.5米高牆分隔

不過，警方澄清，絕不存在警方無執法嘅問題，仲話懷疑警方縱容罪案發生係十分嚴重嘅指控。警方解釋，當時嗰3名警員喺陶德大廈天台高空監察南面彌敦道與奶路臣街嘅人流，但同皇上皇新廈天台之間有一幅約2.5米高嘅牆分隔，所以就睇唔到事發經過。

更多港聞

Kenny G：非支持佔中

【明報專訊】中國外交部前日不點名批評色士風樂手Kenny G現身金鐘佔領區，Kenny G噚日凌晨一口氣喺twitter發布8個信息澄清，話... 詳情

啱啱返港 財爺話唔知獅子山咩事

【明報專訊】特首梁振英（CY）原本準備喺嚟緊嘅星期日飛去倫敦，出席貿易發展局喺倫敦舉行嘅周年晚宴，不過Emily噚日收到風，CY突然決定唔去... 詳情

無綫台慶日港視擬開台

【明報專訊】港視下個月中開台，一直未公布日期，點知港視喺facebook教人下載佢個App，順手披露咗個App喺下個月19日推出，咪即係喺無... 詳情

智能書包培養執書習慣

【明報專訊】職業訓練局學生研發了一個供幼稚園及小學學生使用的「智能書包」，配備7吋平板電腦，可透過系統核對每天上課所需課本，盼助學生養成每天... 詳情

靜坐已喚覺醒 恒管校長促撤佔領區

【明報專訊】佔領行動持續近一個月，恒生管理學院校長何順文表示，最高峰有約100至200名恒管學生參與佔領行動，現已回落至十幾人，「不少學生都... 詳情