【明報專訊】第19屆香港渣打馬拉松�鰫�年1月25號(周日)舉行，大會再有新搞作，就係首次試辦「少年跑」項目，12至15歲�鴾冗ル穸i參與2.2公里賽事，參與同學仔到時會由灣仔運動場起步，以維園為終點，賽事噚日起開放報名，每間學校可提名最多5名學生參加，截止日期11月5日，名額得500個咋，先到先得，同公開賽一樣手快有手慢冇。

2.2公里 灣仔運動場跑去維園

「少年跑」分為12至13歲同14至15歲兩組別，賽程由灣仔運動場出發，途經馬師道、告士打道等地，以銅鑼灣維園作終點，全長2.2公里。香港業餘田徑總會主席關祺話，「少年跑」起步時間係上晝11點50分同中午12點，同公開組賽事最後幾批參賽者抵達終點時間相若，人流唔算多，相信有足夠賽道空間，活動旨在畀學生挑戰長距離賽事，體驗同健兒一齊衝線。

過去唔少渣馬選手鍾意自拍，年輕人更甚，渣馬籌委會主席高威林就話唔太擔心，會�鰤_步前提醒參加者注意安全。至於會否擔心佔中延續影響渣馬賽事，高就話「唔會�N」，大會一直評估發展；其實佢�]更擔心伊波拉疫情，因為過往有唔少非洲選手來港參賽，所以大會已經同醫管局及衛生署有緊密溝通。